ఎవరు దేవుడు ? ఎవరు నువ్వు ? ఎవరు నేను ?

నాకూ చాల మంది లాగే భగవద్గీత అంటే చాలా ఇష్టం, మనని నిరంతరం అలోచింపజేసే అద్భుత గ్రంథం. ఓక సారి ఇది చూడండి:

శ్రీ కృష్ణుడు అర్జునునితో:

ఏవం పరంపరా ప్రాప్తమిమం రాజర్షయో విదుః
స కాలే నేహ మహతా యోగో నష్ఠః పరంతప!!

తమలో వున్న చైతన్యాన్ని పరమాత్మలోని చైతన్యంతో కలిపే శాస్త్రాన్ని గురుపరంపరగా తెలుసుకోగలిగారు రాజర్షులు, కాల క్రమేణా ఇప్పుడు ఆ విద్యని ఈ ప్రపంచం కొల్పోయింది అర్జునా !!

ఏమిటా విద్య ? మనలో చైతన్యం (consciousness) పరమత్మాలో చైతన్యం (super consciousness) అంటే ఏంటి ?

అర్ధం చేసుకొవటానికి ఒక ఉదహరణ చూద్దాము, మనము కలలో చాలా పనులు చేస్తాము , ఆ పనులు చేసేటప్పుడు మనం నిజంగానే ఆ పనులు చెసిన అనుభూతికి లొనవుతాము , కొండమీద నుంచి పడి నప్పుడు గుండె జారుతున్నట్టు అనిపించటం మీకు గుర్తు వుండే వుంటుంది కదూ , మరి కలలో జరిగింది నిజం కాదా అని అడిగితే కొపం వస్తుంది , కానీ ఆ టైం లో అది నిజమే కదా , ఇప్పుడు అదే ఉదాహరణని మన ప్రస్తుత (నిజ ?) జీవితనికి వర్తింపజేద్దాము , ఒక వేళ మనం నిజం అనుకుంటున్న ఈ రూపం/ప్రాణం ఇంకొకళ్ళ కల అయివుంటే ? అసలు అందరూ ఆ కలలో భాగం అయితే ? నన్ను తిట్టుకొకుండా కాసేపు అలోచించండి , ఎదో పిచ్చి వాగుడు అనుకొకండి ఇలాంటివే మెటా ఫిసిక్స్ లో కీలకమైన అలోచనలు , సరే ఇప్పుడు అసలు విషయనికి వద్దాము , మనందరమూ వేరు అని మనం భావిస్తున్నము కదా , అలా కాకుండా మనమందరము ఒకే వ్యక్తి/శక్తి/చైతన్యము యొక్క భాగం ఏమో ? శ్రీ కృష్ణుడు చెప్తోంది దీని గురించేనేమో ?

దీన్ని బట్టి అలోచిస్తే అహం బ్రహ్మస్మి అనే వాక్కు ఎంత గొప్ప వాక్కో అర్ధమవుతుంది , అహం అనే మాటని "నేను" గా అనువదిస్తే వచ్చే అర్ధం నేను బ్రహ్మని (ఇక్కడ బ్రహ్మ అనే మాట త్రిమూర్తుల్లో బ్రహ్మ కాదు , ఇందాక మనం చెప్పుకున్న పరమ చైతన్యం) అని అర్ధం వస్తుంది , కాబట్టి ప్రతీ వ్యక్తీ , ప్రతి ప్రాణి ఆ చైతన్యమే !! ఎంత గొప్ప అలోచన ! మంత్రాలు మాయలు ప్రాణం పోకపొవటం లాంటివి దేవుడి స్వరూపంగా భావించే ప్రస్తుత సమాజం కన్నా 5000 సంవత్సరాల పూర్వమే ఎంత గొప్ప అలోచనలు ఈ భరత భూమిలో పుట్టాయి ? దేవుడు అనేవాడు నీలో భాగం , నువ్వు దేవుడిలో భాగం. మనం తెలుసుకోవాల్సిందల్లా ఆ చైతన్యంలో భాగం అవ్వటం ఎలా అని !! వుందా మనలో ఆ సత్తా ?

నల్లని వాడు ... .

అది ఒక పెద్ద హొటల్ .. దాని ముందు ఒక పెద్ద కార్ వచ్చి ఆగింది ..అందులొ నుంచి సూటు బూటు వేసుకున్న ఒక యువకుడు దిగాడు ..అతని చుట్టూ ఫొటోగ్రాఫర్లు , జనాలు .. వాళ్ళల్లొ ఒక నవ యువకుడు చక్కగా బెల్టు బూటు తొ కుతుహలంగా చూస్తున్నాడు .. ఈ కారు కుర్రవాడు హీరో లా నడచి వచ్చి తన కార్ తాళాలను ఈ అబ్బయి వైపుకి విసిరి పార్క్ చెయ్యమన్నాడు ..
కట్
కుర్రవాడు ఒక ప్రముఖ క్రీమ్ వాడాడు.. ఇందాకటి కారు కుర్రవాడు మళ్ళీ వచ్చాడు .. అలానే దిగాడు .. కానీ అందరూ మన లవ్లీ కుర్రవాడి దెగ్గరకు పరిగెత్తారు.!!!! కారణం ...ఇప్పుడు కుర్రాడు తెల్లగా మారాడు... అంటే ఆకర్షణీయంగా మారాడట !

సినిమాల్లో నల్లవాడు ఎవడురా అంటే జొకులు వేసుకోటానికి తప్పకుండా పనికి వచ్చేవాడు అని అర్దం.. ఇది ప్రస్తుత పరిస్థితి

ఈ సమాజమేనా "నల్లని వాడు పద్మనయనమ్ముల వాడు .. " అని ఆ చక్రధారిని కొలిచి మురిసి పోయింది ?

జాతి విపక్షతకి దీనికి తేడా ఏమన్నా వుందా అనిపించక మానదు కదూ .. కానీ ఇది నిత్య సత్యం ..ప్రతీ రోజూ మనం తెలియకుండానే చేస్తున్న పెద్ద తప్పు . ఎందరో భారతీయుల మనో వేదనకి ఇలాంటి ప్రకటనలు కారణం కాదంటారా ? వీటిని ప్రశ్నించే అవసరం లేదంటారా ? మన దేశ ప్రజల ఆత్మాభిమానాన్ని దెబ్బ తీస్తున్న మాట నిజం కాదా ?

అమ్మాయి నల్లగా వుంటుందా అందంగా వుందా అనే మాట మీరు అని కాని విని కానీ వుంటే .. ఇంకోసారి ఆలోచించండి.

ఫ్రీ .. ఫ్రీ ... ఫ్రీ ... కరో కరో జర జల్సా

ఈ మధ్య కాల౦లొ ఎన్నికల౦టే చీరలు టీవీలు గట్రా ఫ్రీ ఫ్రీ అనేది సాధారణ విషయ౦ అయ్యింది .. కాబట్టి పెద్ద విషయం కాదు... ఈ రోజు జెమిని వార్తల్లొ గమ్మత్తయిన విషయం విన్నా .. అదేదో ఊర్లొ మన దేశపు గొప్ప(?) పార్టి వాళ్ళు సినిమా టిక్కట్లు ఫ్రీ ఫ్రీ అంటున్నారంట ...(దానికి రక రకాల కారణాలు చెప్తున్నారు.. మనకెందుకు) ఆ సదరు హీరో రాజకీయల్లొకి వచ్చి ఏమి చేస్తారో తెలియదు కాని ఇప్పుడే మనకి బోలెడు ప్రజా ప్రయోజనాలు అగుపించేస్తున్నాయి. ఇంకా ఆ హీరో కుటుంబంలో ఇద్దరు ముగ్గురు హీరోలు వున్నారు ..వాళ్ళ సిన్మాలు కూడా త్వరగా వస్తే ఈ ఫ్రీ ఫ్రీ ఆఫర్ వాటికి కూడ ఇచ్చే అవకాశం లేకపోలేదు, కాదు కాదు ఇవ్వాలి అధ్యక్షా ....

అయినా సిన్మా చూడటం, కులాల గురంచి గొప్పగా మాట్లాడుకోవటం కన్నా మనకి ఇంకా ఏమి కావాలి ? ఈ మధ్య సభల్లో మంత్రులు బూతులు తిట్టుకుంటూ వుంటె కొన్ని వెబ్ సైట్ల లో మా కులపోడు భలే తిట్టాడ్రా అని తెగ మురిసిపొయ్యారు తెలుగు తేజాలు.
టాపిక్ మారుతోంది ... ఫ్రీ ఫ్రీ గురించి మాట్లాడుతున్నాం కాదా .. నా డిమాండ్ ఏమిటంటే ఆ ఏగస్ పార్టీ వాళ్ళు కూడ ఆ పక్క కులం హీరో సిన్మా త్వరలొ వస్తోంది కాబట్టి దానికి టిక్కట్లు ఫ్రీ ఫ్రీ ఇవ్వాలి ..లేక పొతే మనకి అవుమానం ..

చెత్త సినిమాలకి డబ్బులేల బొక్క అని ... ఇలా ప్రజా సంక్షేమం కోసము ఏ ప్రభుత్వం చేపట్టని గొప్ప చర్యలు చేపట్టటం ముదావహం... అభినందనీయం.

ఏమంటారు గొప్పాంద్రులు .. విలాసులు ...అండ్ అదర్స్ మరియు బ్రదర్స్ ?

ప్రచారం, సమాజం పై దాని ప్రభావం

ప్రచారం , మనం నిత్యం ఇది చూస్తూనే వుంటాము, చాలా సార్లు ఇది చాలా ముఖ్యం అని కూడ అనిపిస్తుంది, కొన్ని సార్లు భయం కూడా వేస్తుంది. ఎందుకు ఇలా అంటున్నానాంటే ఒక సారి ప్రపంచ చరిత్ర చూస్తే ముఖ్యంగా మనకి కనిపించేది యుద్ధాలు, పైగా గత 2000 సంవత్సరాలుగా చూసిన ప్రముఖ యుద్ధాలకి ముఖ్య కారణం మతం అని అంటే మనకి పెద్దగా ఆశ్చర్యం కలగక పొవచ్చు , కాని వీటన్నిటికి కారణం మనిషిలొ ఒక విలక్షనమైన గుణం కనిపిస్తుంది. తాను నమ్మిన దానిని యెదుటి వాళ్ళు కూడా ఒప్పుకునేటట్టు చెయ్యటం బహుశా మనిషికి ఆనందం కలగచెస్తుందేమో ?

ఏక్కడో నజరత్ లొ అప్పటి ప్రజల స్ఠితి గతులపైన రొమన్ రాజుల దుష్క్రుత్యాల పైన యూదుల మత పెద్దల పైన లేచిన తిరుగుబాటు స్వరం ఆ ప్రజలకి ఇచిన ఆ నమ్మకం ఏసుని ఆరాధనీయుడ్ని చెశాయి, కాని ఈ విషయలతొ ఏమాత్రం సంభంధం లేని వాళ్ళని కూడ అయన్ని ఆరాధించమని చెప్పటం మనకి తెలుసు , ఈ ప్రచారం మారణ హొమాలదాక దారితీయటానికి మనిషిలొ ఇందాక మనం చెప్పుకున్న ఆ విలక్షన గుణాన్ని చూడొచ్చు.

ఇది కేవలం మతం విషయంలొనే కాదు, రాజకీయ నాయకుల అభిమానుల దెగ్గర్నుంచి చివరకి సినీ హీరొ అభిమానం దాక మనం చూడొచ్చు.

గమ్మత్తయిన విషయం ఏమిటంటే ఇది జ్ఞాన సంపన్నుల నుంచి అజ్ఞానుల దాక అందరిలో ఈ గుణం వుంటుంది.

ఆవునంటారా ? కాదంటారా ?
బహుశా అవునేమో , నేను కూడా నాకు నచ్చినది ప్రచారమ్ చేసుకోటానికి బ్లాగులు ఎ౦దుకు రాస్తున్నాను ?

తెలుగు లో ప్రొగ్రామింగ్

వృత్తి రీత్యా ప్రొగ్రామర్ అయిన నేను ఎప్పుడూ అలొచించలేదు, ఎందుకు ఎప్పుడు ఇంగ్లీష్ లోనె కోడ్ రాస్తున్నాను అని. ఆ ఆలొచన నచ్చింది , వెంటనే గూగుల్ లొ వెతకగా తెలిసింది ఇదే ఆలొచన చాలా మందికి వచ్చింది , పైగా వాళ్ల భషల్లొ ప్రొగ్రామ్మింగ్ చెయ్యటానికి వీలుగా చాలా కష్ఠించి సాధించారు అని . ఉదాహరణకి ''బాంగభాష" ఉపయొగించి బెంగాలి భాషలొ ప్రొగ్రామ్మింగ్ చెయ్యొచ్చు .

తెలుగులో కూడా మీకు ఇలాంటి ప్రయత్నాలు ఎమైనా తెలిసి వుంటె నాకు కూడ తెలియచేయండి .

Independence - Let there be..

Let there be Freedom..

Its been 60 Years !!.. still I dont realize anything has changed
The tyranny , The hereditary Kings, Inequality of all sorts
Still I hear a cry from far away , Let there be Freedom

Then some were Learned , Its still remains Some..
Some dreamt of Freedom , And I learnt , they got it
I never knew what freedom was, but for Hunger
Still I hear a cry from far away , Let there be Freedom

The "White" Spoke English, and my culture was rediculed
And so was my Color, My Dress ,My God
Now, Even my Cry sounds English and in my dreams I Look white
Still I hear a cry from far away , Let there be Freedom

Many said I am poor, I earn less than a dollar, thats what they say
No ! , I am poor only Impoverished by uneducation, deprived of oppurtunuity
But I am Free to beg As I was 60 Years Before..
Still I hear a cry from far away , Let there be Freedom !!!

For me, I was always Free.... I am Free. ....

నేను కులాన్ని

ఆంధ్ర దేశంలో నేను ప్రతి ఇంటిలో వున్నాను, నా నేస్తాల్లో ఎందరో ప్రముఖులు వున్నారు. ఉద్యోగాల కొసము అమెరికా తదితర దేశాలకి వెళ్ళినా నన్ను మరిచిపొలేక పొయారు. హిందువు అని చెప్పుకునే వాడికి గీత లొ శ్రీ కృష్ణుడు చెప్పిన అందరూ సమానమే అన్న విషయము తెలియదు. అదే నా అస్థిత్వానికి మూలము. నేను చెడ్డదాన్ని కాదు, ఎలా అవుతాను ? ఎదైనా వృత్తి చెడ్డది అవ్వగలదా ? అప్పుడు నేను కాను. మరి నాతో స్నేహం లొ తప్పు ఏముంది ? ఖర్మ ఏమిటంటే నన్ను కొందరు గొప్పగా చూస్తారు, కాని అదే "నన్ను" వేరే వాడి స్నేహం లో తక్కువగా చూస్తారు, ఎందుకో ?

ఇందాక చెప్పాను కదా, వృత్తి గురించి , పూర్వము మనుషుల వృత్తి అనుసారం వారిని విభజించారు , మీకు తెలుసు కదా ఇది, ఇప్పుడు ఆ వృత్తుల ప్రకారము కాక పుట్టుక ప్రకారము విభజించారుట , వినటానికి కృష్ణుడి కే కంగారుగా వుంటుంది, ఇక నా సంగతి ఎందుకు లే !!

సంస్కృతము రాని బ్రాహ్మణుడు , వ్యాపారము చెయ్యని వైశ్యుడు , రాజ్యాలు లేని క్షత్రియులూ .. హాస్యాస్పదంగా వుంది..

ఇలాంటి దిక్కుమాలిన వాళ్ళందరూ నా పేరు పాడు చేస్తునారు, ఏమిటి దీనికి పరిష్కారం ?

దేశం పరువు నా వల్లే పొయిందంట :-(

కారణము మీరు , మీ అవివేకము . కనీసం నన్ను సమాధి చెయ్యండి , లేదా మీ అవివేకాన్ని అంతం చెయ్యండి.