Distributed computing

ఒక కంప్యుటర్లో పని చేసే విధిని (ప్రోగ్రాం) రక రకాల ప్రొగ్రామింగ్ భాషలలో రాయొచ్చు . అది అర్ధం చేసుకోవడం కూడ పెద్ద కష్టం కాదు . సాధరణంగా మనదెగ్గర వున్న ఒక కంప్యుటర్లో ఈ విధి పని చెస్తుంది కాబట్టి రాయటం ..మార్పులు చెయ్యటం కూడ సులువు. ఒక వేళ మనం రాసిన విధి పని చెయ్యటానికి ఒకటికన్నా ఎక్కువ కంప్యూటర్లు కావలనుకొండి అప్పుడు మనం రాసిన విధిని  ప్రవిభక్త (డిష్ట్రిబ్యుటెడ్) అంటారు అంటే ఒకటి కన్న ఎక్కువ భాగాలుగా విభజించి పని చెయించటం అన్నమాట .  

ఒక కంప్యుటర్లో పని చేస్తున్న విధి మరొక కంప్యూటర్లో వున్న విధితో కలిసి పని చెయ్యాలంటే  ముఖ్యంగా కావల్సినవి
1) ఆ రెండు కంప్యుటర్లకి అవి ఎక్కడ ఏ పేర్లతో వున్నయొ తెలియటం
2) ఆ రెండు కంప్యూటర్లకి అర్ధమయ్యే ఒక భాష (ప్రోటోకాల్)

ఈ రెండు విషయాలు గుర్థుంచుకుంటే మనం ప్రస్తుతం వాడుకలో వున్న చాలా టెక్నాలజీలని (ఇంకా  పదాలని) సులువుగా అర్ధం చేసుకోగలం

ఉదాహరణకి కొన్ని
1) అర్.పి.సి  ని తీసుకోండి రెండు (లేక చాలా) కంప్యూటర్లలో వున్న విధులు మాట్లాడుకోవటానికి వాడే భాష రిమోట్ ప్రొసీజరల్ కాల్
2) సర్వీస్ డిస్కవరీ : ఒక్కో కంప్యుటరుకీ మరొక కంప్యూటర్ ఎక్కడ వుందో దాని ఆచుకీ తెలియజేసే ఒక  ప్రోగ్రాం
3) హెచ్ టి టి పి : ఇక్కద ఒక కంప్యుటర్లో వున్న విధి మీ ఇంటర్నెట్ బ్రౌసర్  అది మరొక కంప్యుటర్లో వున్న విధితో మాట్లాడటానికి వాడే భాష ఈ హెచ్ టి టి పి


మీకు అర్ధం కాని విషయం ఏదన్నా వుంటే చెప్పండి  .. సులువుగా అర్ధమయ్యేలా చెయ్యటానికి ప్రయత్నిస్తా   

విషవిధి (Virus)

విషవిధి (వైరస్)

కంప్యుటర్ పరిభాషలో ఈ వైరస్ అనే పదం వినని వాళ్ళు తక్కువ మంది వుంటారు ..

కాని ఏమిటీ వైరస్ ? మనకి జలుబు చెస్తె వచేలాంటి జబ్బా ?  కంప్యుటర్ కి జబ్బు చెయ్యటమేంటి ?

కిందటి శీర్షికలో ఒక ప్రోగ్రాం ని విధి అని ఎలాగ మనం చెప్పుకున్నామో అలగే మనకి హాని చేసే విధి ని విషవిధి అని అనుకోవచ్చు ..  అంటే అది కూడ ఎవరో ప్రొగ్రామ్మర్ రాసిన ఒక విధి

మనం అజాగ్రత్తగా వుంటే ఇలాంటి విషవిధులు మన కంప్యుటర్ లోకి  లేకపోతే  మన ఫొనుల్లోకి వచ్చె అవకాశం వుంటుంది ...   బాగ పేరున్న కంపనీ అయితే తప్పించి  సాప్టువేర్ ని  మన కంప్యూటర్/ఫొన్లో ప్రతిష్టించుకోకపోవడం (install) మంచిది

అయినా ప్రొగ్రాం మనని ఏం చెయ్యగలదు ?

1) మీ ఆధార్ నంబర్ వేరే దేశానికి పంపించొచ్చు
2) మీ స్నేహితులు ఎవరు అని మీ ఫొన్ ద్వార  తెలుసుకుని వాల్లని మీ పెరుతో మోసం చెయ్యొచ్చు
3) మీ బ్యాంక్ లో డబ్బులన్ని మాయం చెయొచ్చు
ఇంకా చాలా చెయ్యొచ్చు

ప్రతీ యేడు దాదాపు 7000 కోట రుపాయల నష్టం ఈ విష విధుల వల్ల జరుగుతోంది అని ఒక అంచనా ఇది కేవలం ఒక్క అమెరికా దేశంలోనే .. అంతగా అవగాహన లేని మన దేశంలో ఇవి ఇంకా ఎక్కువ జరిగే అవకాశం వుంది .. 

ఇన్ని ప్రామాదాలని కొంచం జాగ్రత్తగా వుంటే మనం తప్పించుకోవచ్చు  

1) వాట్సాప్పుల్లో "డౌన్లోడ్" "ఇన్స్టాల్"  బటన్లని  ని పూర్తిగా విస్మరించండి
2) మీకు ఉచితంగా డబ్బులొస్తున్నయంటే నమ్మకండి
3) చాలా మంది మిమ్మల్ని దోచుకోవటానికి చూస్తున్నారు అని గుర్తుంచుకోండి  

semaphore mutex processing

సెమాఫొర్ [సంకేత ధర]
మ్యుటెక్స్ [ ఏకతర సంకేతం]

సంకేతధర:  నిజ జీవితంలో మనం వాహనం నడుపుతున్నప్పుడు వచ్చే రక రకాల సిగ్నల్స్(సంకేతాలు)  మనని నియంత్రించటానికి ఉపయొగపడతాయి .. ఒక వేళ ఆ సంకేతాలని (సిగ్నల్స్) ఒక మనిషో లేక ఒక స్థంభమో ధరించిందనుకోండి దానిని మనం సంకేతధర అనవచ్చు  కదా .. అలాగే కంప్యుటర్ లో రెండు వేర్వేరు ప్రక్రియలు ఒకే చోటకి వచినప్పుడు ఏ ప్రక్రియ ముందుకి సాగాలో నియంత్రించటానికి ఒక సంకేతం కావలి .. లేకపోతే ఆ రెండు ప్రక్రియలు ఒకదానితో ఒకటి పోటి పడటమో లేక ప్రమాదానికి దారితియ్యటమో జరుగుతుంది    
 
ఇలా ఎదన్నా ఒక సంకేతాన్ని ఉపయోగించి  ప్రక్రియలని నియంత్రించవచ్చు

ఒక వేళ ఒక సమయంలో ఒకే ఒక ప్రక్రియ సాగలనుకోండి అప్పుడు ఆ సంకేతం ఏకతరం  అవుతుంది ..  దీనినే మ్యుటెక్స్ అంటారు  ...

ఉదాహరణకి ఒక గదికి ఒకే తాళం చెవి వుంటె ఒకడు లోపలికి వెళ్ళాక మళ్ళీ వాడు బయటికి వచ్చి ఆ తాళం వేరే వాళ్ళకి ఇచ్చేదాకా    లోపలకి ఎవ్వరూ వెళ్ళలేకపోతే ఆ తాళం చెవి ఏకతర సంకేతం అన్నమాట .. అలా కాకుండ 10 తాళం చెవులు  వుంటే? అప్పుడు తాళంచెవి  సంకేతధర ..  

అర్ధమయ్యిందా ? 

process, processor

మనం కంప్యుటర్ తో చేయించుకోవాలి అనుకునే పని ఒక "క్రియ" అనుకుందాం .. ఆ పనిని సాధించాలంటే దానికి అర్ధమయ్యే భాష లో కనుక వ్యక్తపరచగలిగితే అప్పుడు  దానిని ప్రక్రియ అనవచు .. ఆ  ప్రక్రియ ఒక సాధనంగా మనకి కావల్సిన పనిని సాధించేది సంసాధకం (ప్రాసెస్సర్)

మనం మన ఫోన్లో ఏదన్న యాప్ వాడుతున్నప్పుడు మీ ఫొన్లో వున్న సాధకం (ప్రాసెస్సర్) ఒక సాధనాన్ని ఉపయోగించుకుని కావల్సిన పనిని చేస్తుంది

ఈ పని బోలెడు చిన్న చిన్న స్వతంత్ర ప్రక్రియలుగా   గా విభజించి వాటితో సంసాధకం (ప్రాసెసర్) పని చేయవచ్చు ..
ఈ చిన్న చిన్న విభాగలనే  చైల్డ్ ప్రాసెసెస్ అంటారు  ..

డేటా బేస్ అంటే?

డేటా బేస్ అంటే?

మనం కంప్యుటర్లో చేసే పనికి కావల్సిన సమాచారం   దాని మెమరీ (విద్యుత్ తో నడిచే పరికరాలు) లో వుంటుంది
ఆ విద్యుత్ సరఫరా ఆగిపోగానే ఆ సమాచారం అదృస్యమవుతుంది  మరలా ఆ సమాచారన్ని వాడుకోవటం కోసం విద్యుత్ తో సంబంధం లేని ఒక చోట భద్రపరుస్తాము దానినే లాంగ్ టర్మ్ స్టొరేజ్ అంటారు (దీర్ఘ కాలిక అన్నమాట )
కానీ అలా భద్రపరచటం ఒక్కటే సరిపోదు దానిని సులువుగా వెతకగలగటం కూడ ముఖ్యమే .. అందుకు తోడ్పడేవే డేటా బేసులు  .. ఒక పద్దు పుస్తకం లేక లిబ్రరీ లో పుస్తకాలు అమర్చే విధానం లో ఈ పద్దతిని మనం గమనించవచ్చు
బోలెడు రకాల డేటా బేస్లు అందుబాటులో వున్నయి .. చాలా మటుకు ఉచితంగా వాడుకోవచు ... కొన్నిటికి లక్షలు ఖర్చు చెయ్యల్సి రావొచ్చు 

అలా భద్రపరుచుకున్న విషయాలని వెతకటంలో తోడ్పడే పని ముట్టూ ఒక కొత్త భాష ..దాని పేరు  స్ట్రక్చర్డ్ క్వెరీ లాంగ్వేజ్ 

పదాలకి అవతల:

 మెమొరి  :జ్ఞాపక శక్తి గా కాకుండా ఆ జ్ఞాపకాలు వుండే ప్రదేశం ... మెదడు .. అది సులువుగా మరిచిపోగలదు .. అందుకే పక్కన పుస్తకల్లో రాసుకుంటాం తరువాత వెతకటానికి .. ఆ పుస్తకమే దీర్ఘ్కాలిక ...  

క్వెరీ అంటె ప్రశ్న  : మనకి  భద్రపరుచుకున్న విషయల్లో  కావల్సిన విషయాలని ప్రశ్నలు అడిగి జవాబు రాబట్టుకోవటమే ఈ భాష యొక్క లక్ష్యం     

పారెలెల్ యునివర్స్ కధా కమామీషు

టీవి కొన్న తర్వాత చూసిన మంచి ప్రొగ్రామ్సలో నిన్న చూసిన పారెలెల్ యునివర్స్ మీద వచ్చిన ప్రొగ్రామ్ బాగా నచ్చింది. దాని గురించి రాయకుండా ఉండటం కష్టం కదా.. అందుకే ఈ బ్లాగు.
ముందుగా సమాంతర విశ్వం (పారెలెల్ యునివర్స్) అనే ఊహ ఒక సంచలనం అని అనక మానలేం, ఈ క్షణం మనం మరొక విశ్వంలోకూడ అంతర్భాగం అయితే ? మనం చనిపొయ్యారు అనుకున్న మన తాతగారు మరో విశ్వంలో బ్రతికే వుంటే ? అసలు మన కళ్ళ ముందే మన ఇంట్లోనే మనకి కనిపించకుండా వేరే విశ్వంలోని జీవాలు తిరుగుతూ వుంటే ? అన్నిటినీ మించి వీటన్నిటికీ శాస్త్రవేత్తల మద్దత్తు వుంటే ? ఒహ్ నా చిన్న బుర్రకి కాస్త కూడా అర్ధం కాలేదు, అదెలా సాధ్యం ? అయినా శాస్త్రవేత్తలు ఇలాంటి వాటిని ఎలా ప్రతిపాదించారు ? ఏదయినా చూసి , కొలిచి నిర్ధారిస్తారు కదా ? ఇలాంటి సందేహాలు బోలెడు వచ్చాయి. విషయం ఏంటంటే , క్వాంటం ఫిసిక్స్ లోని కొన్ని అర్ఢం కాని ప్రశ్నలకు ఈ సమాతర విశ్వం అనే సిద్దాంతం సమాధానం చెప్పటానికి ప్రయత్నిస్తుంది,చాలా చోట్ల సఫలం అయ్యింది కూడా.

ఇప్పుడు ఈ సమాంతర విశ్వం వుంది అని ప్రతిపాదిస్తే సరిపొయ్యిందా ? ఊహు, ఒక విశ్వం లో నుంచి మరొక విశ్వంలోకి వెళ్ళగలమా అనే ప్రశ్న నా లాంటి చటాక్ (చటాక్ అంటే ముప్పావు అనుకుంటా) బుర్రకే రాగా లేనిది శాస్త్రవేత్తలకి రాదా , వచ్చింది , దాని మీద రకరకాల వాదనలు , గొడవలు షరామామూలే.

నాకే కనక ఇలా విశ్వాల మధ్యలో ప్రయాణించగలిగే యంత్రం దొరికితే ? ........ మ్ మ్ మ్ మ్ మ్ మ్ ఏం చెయ్యచ్చో కూడా అర్ధం తోచట్లేదు.. మీరేం చేస్తారు ?

ఐడియా బానే వుంది కదా అని అప్పుడెప్పుడో వచ్చిన ఆదిత్యా ౩69 తరువాయి భాగం తీసినా తియ్యచ్చు.

దేవుడా !!!

మళ్లీ ఒక దాడి!! మతం మత్తులో మదమెక్కిన మూకల వికృత చర్యలకు సామాన్య జనం బలి. మృత్యువుకి మతం లేదు , అందరూ సమానమే, బ్రతకడం రాక డబ్బు కోసం బాంబుల బాట పట్టిన దిక్కు మాలిన మూకల వెర్రి ఆవేశానికి అమాయకుల బ్రతుకులు చితికిపోవాల్సిందేనా ? . తెగించిన వాడికి భయమేంటి .. ప్రతీ చోటా పోలీస్ వుండగలడా ? లాంటి చెత్త సమాధానాలు వినీ వినీ విసిగి పోయిన ప్రజలు భయంతో వణకటం తప్ప చేసేది ఏముంది?

సార్వభౌమత్వం పై ఈ-మేయిల్ హెచ్చరికలు వెక్కిరిస్తున్నా వోటు బ్యాంకు పద్దతులు మానటం అమాత్యులకు సాధ్యం కాదు. అగ్ర రాజ్యం లో ప్రజల ప్రాణం విలువ , మన దేశంలో ప్రాణానికి వున్న విలువ కన్నా ఎక్కువ కాబోలు, తన పై దాడిని కేవలం "ఖండించ"కుండా ... రెండు దేశాలని సర్వ నాశనం చేసి ముష్కర మూకలకీ చావు దెబ్బ రుచి చూపించగలిగింది.

షష్టి పూర్తి పిదప కూడా జాతీయ భావాలని ..మనము ఒకే దేశపు బిడ్దలమన్న ఇంగితాన్ని ఇవ్వలేని చచ్చు చదువులు , నువ్వు హిందు, నువ్వు ముస్లిమ్ అన్న భావాలని జయించ లేని దరిద్రపు ప్రజలకి వారి వారి నాయకులకి జోహార్లు. నువ్వు చర్చిలో మాత్రమే క్రైస్తవుడివి , మసీదులో ముస్లిం.. గుడిలో హిందువు ..కానీ బయట సమున్నత భారతావని బిడ్దవి ..తిండి పెట్టలేని అల్లా,జీసస్,రాముడు ఎదుటి వాళ్ళని చంపే ఆదేశాలు ఇచారా ? అని అడగలేని మత పెద్దలకి జేజేలు.

భయం లేని సమాజం లో అభివృద్ధి ..ఆనందం.. పరిఢిల్లుతుంది . ఏం చెయ్యాలో ఆలోచించే తెలివయిన వాళ్ళూ మన దేశంలో చాలా మందే వుండి వుంటారు ..ఒక్క సారి మత ..కుల రహితంగా ఆలోచించరూ..! మా మీద దయతో !! మాకూ పిల్లలు వున్నారు మేము సురక్షితంగా వుండాలంటే అగ్ర రాజ్యానికి వెళ్లాల్సిన పరిస్థితి మాత్రం తేకండి. మాకోసం కష్ట పడమనట్లేదు , కనీసం మీ పిల్లలు ..మీ మనువల కోసమయినా ఆలోచించండి..

నల్లని వాడు ... .

అది ఒక పెద్ద హొటల్ .. దాని ముందు ఒక పెద్ద కార్ వచ్చి ఆగింది ..అందులొ నుంచి సూటు బూటు వేసుకున్న ఒక యువకుడు దిగాడు ..అతని చుట్టూ ఫొటోగ్రాఫర్లు , జనాలు .. వాళ్ళల్లొ ఒక నవ యువకుడు చక్కగా బెల్టు బూటు తొ కుతుహలంగా చూస్తున్నాడు .. ఈ కారు కుర్రవాడు హీరో లా నడచి వచ్చి తన కార్ తాళాలను ఈ అబ్బయి వైపుకి విసిరి పార్క్ చెయ్యమన్నాడు ..
కట్
కుర్రవాడు ఒక ప్రముఖ క్రీమ్ వాడాడు.. ఇందాకటి కారు కుర్రవాడు మళ్ళీ వచ్చాడు .. అలానే దిగాడు .. కానీ అందరూ మన లవ్లీ కుర్రవాడి దెగ్గరకు పరిగెత్తారు.!!!! కారణం ...ఇప్పుడు కుర్రాడు తెల్లగా మారాడు... అంటే ఆకర్షణీయంగా మారాడట !

సినిమాల్లో నల్లవాడు ఎవడురా అంటే జొకులు వేసుకోటానికి తప్పకుండా పనికి వచ్చేవాడు అని అర్దం.. ఇది ప్రస్తుత పరిస్థితి

ఈ సమాజమేనా "నల్లని వాడు పద్మనయనమ్ముల వాడు .. " అని ఆ చక్రధారిని కొలిచి మురిసి పోయింది ?

జాతి విపక్షతకి దీనికి తేడా ఏమన్నా వుందా అనిపించక మానదు కదూ .. కానీ ఇది నిత్య సత్యం ..ప్రతీ రోజూ మనం తెలియకుండానే చేస్తున్న పెద్ద తప్పు . ఎందరో భారతీయుల మనో వేదనకి ఇలాంటి ప్రకటనలు కారణం కాదంటారా ? వీటిని ప్రశ్నించే అవసరం లేదంటారా ? మన దేశ ప్రజల ఆత్మాభిమానాన్ని దెబ్బ తీస్తున్న మాట నిజం కాదా ?

అమ్మాయి నల్లగా వుంటుందా అందంగా వుందా అనే మాట మీరు అని కాని విని కానీ వుంటే .. ఇంకోసారి ఆలోచించండి.

ఫ్రీ .. ఫ్రీ ... ఫ్రీ ... కరో కరో జర జల్సా

ఈ మధ్య కాల౦లొ ఎన్నికల౦టే చీరలు టీవీలు గట్రా ఫ్రీ ఫ్రీ అనేది సాధారణ విషయ౦ అయ్యింది .. కాబట్టి పెద్ద విషయం కాదు... ఈ రోజు జెమిని వార్తల్లొ గమ్మత్తయిన విషయం విన్నా .. అదేదో ఊర్లొ మన దేశపు గొప్ప(?) పార్టి వాళ్ళు సినిమా టిక్కట్లు ఫ్రీ ఫ్రీ అంటున్నారంట ...(దానికి రక రకాల కారణాలు చెప్తున్నారు.. మనకెందుకు) ఆ సదరు హీరో రాజకీయల్లొకి వచ్చి ఏమి చేస్తారో తెలియదు కాని ఇప్పుడే మనకి బోలెడు ప్రజా ప్రయోజనాలు అగుపించేస్తున్నాయి. ఇంకా ఆ హీరో కుటుంబంలో ఇద్దరు ముగ్గురు హీరోలు వున్నారు ..వాళ్ళ సిన్మాలు కూడా త్వరగా వస్తే ఈ ఫ్రీ ఫ్రీ ఆఫర్ వాటికి కూడ ఇచ్చే అవకాశం లేకపోలేదు, కాదు కాదు ఇవ్వాలి అధ్యక్షా ....

అయినా సిన్మా చూడటం, కులాల గురంచి గొప్పగా మాట్లాడుకోవటం కన్నా మనకి ఇంకా ఏమి కావాలి ? ఈ మధ్య సభల్లో మంత్రులు బూతులు తిట్టుకుంటూ వుంటె కొన్ని వెబ్ సైట్ల లో మా కులపోడు భలే తిట్టాడ్రా అని తెగ మురిసిపొయ్యారు తెలుగు తేజాలు.
టాపిక్ మారుతోంది ... ఫ్రీ ఫ్రీ గురించి మాట్లాడుతున్నాం కాదా .. నా డిమాండ్ ఏమిటంటే ఆ ఏగస్ పార్టీ వాళ్ళు కూడ ఆ పక్క కులం హీరో సిన్మా త్వరలొ వస్తోంది కాబట్టి దానికి టిక్కట్లు ఫ్రీ ఫ్రీ ఇవ్వాలి ..లేక పొతే మనకి అవుమానం ..

చెత్త సినిమాలకి డబ్బులేల బొక్క అని ... ఇలా ప్రజా సంక్షేమం కోసము ఏ ప్రభుత్వం చేపట్టని గొప్ప చర్యలు చేపట్టటం ముదావహం... అభినందనీయం.

ఏమంటారు గొప్పాంద్రులు .. విలాసులు ...అండ్ అదర్స్ మరియు బ్రదర్స్ ?

ప్రచారం, సమాజం పై దాని ప్రభావం

ప్రచారం , మనం నిత్యం ఇది చూస్తూనే వుంటాము, చాలా సార్లు ఇది చాలా ముఖ్యం అని కూడ అనిపిస్తుంది, కొన్ని సార్లు భయం కూడా వేస్తుంది. ఎందుకు ఇలా అంటున్నానాంటే ఒక సారి ప్రపంచ చరిత్ర చూస్తే ముఖ్యంగా మనకి కనిపించేది యుద్ధాలు, పైగా గత 2000 సంవత్సరాలుగా చూసిన ప్రముఖ యుద్ధాలకి ముఖ్య కారణం మతం అని అంటే మనకి పెద్దగా ఆశ్చర్యం కలగక పొవచ్చు , కాని వీటన్నిటికి కారణం మనిషిలొ ఒక విలక్షనమైన గుణం కనిపిస్తుంది. తాను నమ్మిన దానిని యెదుటి వాళ్ళు కూడా ఒప్పుకునేటట్టు చెయ్యటం బహుశా మనిషికి ఆనందం కలగచెస్తుందేమో ?

ఏక్కడో నజరత్ లొ అప్పటి ప్రజల స్ఠితి గతులపైన రొమన్ రాజుల దుష్క్రుత్యాల పైన యూదుల మత పెద్దల పైన లేచిన తిరుగుబాటు స్వరం ఆ ప్రజలకి ఇచిన ఆ నమ్మకం ఏసుని ఆరాధనీయుడ్ని చెశాయి, కాని ఈ విషయలతొ ఏమాత్రం సంభంధం లేని వాళ్ళని కూడ అయన్ని ఆరాధించమని చెప్పటం మనకి తెలుసు , ఈ ప్రచారం మారణ హొమాలదాక దారితీయటానికి మనిషిలొ ఇందాక మనం చెప్పుకున్న ఆ విలక్షన గుణాన్ని చూడొచ్చు.

ఇది కేవలం మతం విషయంలొనే కాదు, రాజకీయ నాయకుల అభిమానుల దెగ్గర్నుంచి చివరకి సినీ హీరొ అభిమానం దాక మనం చూడొచ్చు.

గమ్మత్తయిన విషయం ఏమిటంటే ఇది జ్ఞాన సంపన్నుల నుంచి అజ్ఞానుల దాక అందరిలో ఈ గుణం వుంటుంది.

ఆవునంటారా ? కాదంటారా ?
బహుశా అవునేమో , నేను కూడా నాకు నచ్చినది ప్రచారమ్ చేసుకోటానికి బ్లాగులు ఎ౦దుకు రాస్తున్నాను ?

తెలుగు లో ప్రొగ్రామింగ్

వృత్తి రీత్యా ప్రొగ్రామర్ అయిన నేను ఎప్పుడూ అలొచించలేదు, ఎందుకు ఎప్పుడు ఇంగ్లీష్ లోనె కోడ్ రాస్తున్నాను అని. ఆ ఆలొచన నచ్చింది , వెంటనే గూగుల్ లొ వెతకగా తెలిసింది ఇదే ఆలొచన చాలా మందికి వచ్చింది , పైగా వాళ్ల భషల్లొ ప్రొగ్రామ్మింగ్ చెయ్యటానికి వీలుగా చాలా కష్ఠించి సాధించారు అని . ఉదాహరణకి ''బాంగభాష" ఉపయొగించి బెంగాలి భాషలొ ప్రొగ్రామ్మింగ్ చెయ్యొచ్చు .

తెలుగులో కూడా మీకు ఇలాంటి ప్రయత్నాలు ఎమైనా తెలిసి వుంటె నాకు కూడ తెలియచేయండి .